«Min salme». Bygdefolk fortel om den salmen dei likar best
«Kva er din salme?»
Dette spørsmålet har me i Stord kyrkjeakademi stilt til mange ulike personar på Stord.
Mange av oss har eit forhold til salmar. Dåp, konfirmasjon, bryllup og gravferd er viktige merkedagar i liva våre, og svært ofte blir det på desse merkedagane brukt salmar.
Salmebøker har vore viktige bøker i Noreg. Viktige for den enkelte si personlege tru, men også kulturelt, språkleg og historisk heilt fram til i dag.
Stord kyrkjeakademi ynskjer å arrangera ein allsong-/salmekveld i Nysæter kyrkje i mars. Til å velja ut salmar me skal høyra og syngja, har me altså spurt mange ulike personar på Stord. Me har også utfordra dei til å fortelja kvifor dei har valt akkurat denne salmen. Nokre vil også synga salmen sjølv!
Men aller best er allsongen – å få syngja mange i lag med den stemma ein har.
Inngongspengar: 150 kroner
