Korleis bør Bibelen omsetjast

Foredrag ved Hans Johan Sagrusten (f. 1970, frå Vågå), teolog, prest, dikter og bibeloversetter. Skal Bibelen høyrast tradisjonell eller moderne ut? Skal teksta vera lett å lesa, eller skal det merkast at ho er to tusen år? Er det ikkje berre å omsetja teksta ord for ord? Og kan bibelomsetjaren snart erstattast av kunstig intelligens? Velkomne til eit interessant foredrag med ein av Noregs mest erfarne bibelomsetjarar, som òg er skjønnlitterær forfattar og omsetjar.

Han har over 25 års erfaring som bibelomsetjar for Det Norske Bibelselskap. I dette engasjerande foredraget fortel han om dei ulike vala som ein omsetjar må gjera, og inviterer tilhøyrarane inn i ein samtale om viktige problemstillingar. Foredraget er lett å følgje med på for alle og føreset ingen spesielle forkunnskapar.